នៅព្រឹកថ្ងៃសុក្រ ១១កើត ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងទី២៧ ខែកុម្ភៈ ឆ្នាំ២០២៦ ឯកឧត្តម សុខ ពុទ្ធិវុធ សមាជិកគណៈអចិន្ត្រៃយ៍គណៈកម្មាធិការកណ្តាលសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជា ខេត្តតាកែវ បានអញ្ជើញគោរពវិញ្ញាណក្ខន្ធម្តាយរបស់ ឯកឧត្តម ស្រី ច័ន្ទប៉ូរ៉ាត់ សមាជិកអចិន្រ្តៃយ៍គណៈកម្មាធិកាសហភាពសហព័ន្ធយុវជនកម្ពុជា ខេត្តតាកែវ និងលោកជំទាវ ព្រមទាំងក្រុមគ្រួសារ។ សូមឧទ្ទិសបួងសួងដល់វត្ថុស័ក្តិសិទ្ធិ តេជះបារមីទាំងឡាយក្នុងលោក សូមតាមបីបាច់ថែរក្សាដួងវិញ្ញាណក្ខន្ធ ឧបាសិកា រ័ត្ន ហេន សូមបានចាប់បដិសន្ធិ និងបានសោយសុខក្នុងសុគតិភពកុំបីឃ្លៀងឃ្លាតឡើយ។

ថ្ងៃទី២២ ខែកុម្ភៈ ឆ្នាំ២០២៦ ថ្នាក់ដឹកនាំ សមាជិក សមាជិកាសហភាពសហព័ន្ធយុវជនកម្ពុជា (ស.ស.យ.ក.) ខេត្តតាកែវ បានចូលរួមក្នុងពិធីប្រកាសដាក់ឱ្យអនុវត្តជាផ្លូវការ «ផែនទីបង្ហាញផ្លូវ ស.ស.យ.ក. ២.០» ឆ្ពោះទៅឆ្នាំ២០២៨ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅមជ្ឈមណ្ឌលសន្និបាត និងពិពណ៌កោះពេជ្រ។ក្នុងឱកាសនោះដែរ ថ្នាក់ដឹកនាំ និងសមាជិក ស.ស.យ.ក. ខេត្តតាកែវ ក៏បានចូលរួមក្នុងវគ្គបណ្តុះបណ្តាលតម្រង់ទិសស្តីពីការតាមដាន ត្រួតពិនិត្យ និងវាយតម្លៃការអនុវត្តផែនទីបង្ហាញផ្លូវនេះ ដើម្បីធានាបាននូវប្រសិទ្ធភាពខ្ពស់តាមគោលការណ៍ «បរិមាណ និងគុណភាព» ក្នុងការសម្រេចឱ្យបាននូវគោលដៅឆ្នាំ២០២៨។សហភាពសហព័ន្ធយុវជនកម្ពុជា ខេត្តតាកែវ ប្តេជ្ញាចិត្តយ៉ាងមោះមុតក្នុងការយកឯកសារដ៏មានសារៈសំខាន់នេះមកអនុវត្ត និងផ្សព្វផ្សាយបន្តដល់សមាជិក សមាជិកា…

នៅថ្ងៃស្អែកនេះ សហភាពសហព័ន្ធយុវជនកម្ពុជា នឹងរៀបចំពិធីប្រកាសដាក់ឱ្យអនុវត្តជាផ្លូវការផែនទីបង្ហាញផ្លូវសហភាពសហព័ន្ធយុវជនកម្ពុជា ២.០ ឆ្ពោះទៅឆ្នាំ២០២៨ ក្រោមអធិបធីភាព ឯកឧត្តម ហ៊ុន ម៉ានី ប្រធាន ស.ស.យ.ក.។ កម្មវិធីនេះនឹងធ្វើឡើង នៅមជ្ឈមណ្ឌលសន្និបាត និងពិពណ៌កោះពេជ្រ (អគារ E-F)។

នាព្រឹកថ្ងៃព្រហស្បតិ៍ ៣កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែកុម្ភៈ ឆ្នាំ២០២៦ ស.ស.យ.ក. ខេត្ត បានចូលរួម ក្នុងកិច្ចប្រជុំបូកសរុបលទ្ធផលការងារឆ្នាំ២០២៥ និងលើកទិសដៅបន្តរបស់គណ:កម្មការចម្រុះលើកកម្ពស់សីលធម៌សង្គម សង្គម តម្លៃស្តី និងគ្រួសារខ្មែរថ្នាក់ខេត្ត ក្រោមអធិបតីភាពលោកជំទាវ កិម គឹម អាង សមាជិកក្រុមប្រឹក្សាខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តតាកែវ និង លោកស្រី ឡុង បូណារេត អភិបាលរង នៃគណៈអភិបាលខេត្តតាកែវ តំណាងដ៏ខ្ពង់ខ្ពស់ ឯកឧត្តម វ៉ី សំណាង…